حيّ السحاب اللي بعد غيبتـه زار
هاك الديار اللي من العام جافيهـا
ارضٍ لها في داخل القلب مقـدار
يالله عسى غيث السحابات يرويها
نجد الحبيبه لا طرو صيتها طـار
فكري مع اللي مسكنه في اراضيها
خلٍ هويتـه داره اليـوم لـي دار
هو رغبتي باول حياتي وتاليهـا
له في خفوق العاشق المهتوي كار
محدٍ من العالم غلاتـه تساويهـا
بصبر على حكم الليالي والاقـدار
باكر يزول الهم عن نفس مغليهـا
لو طالت الغيبه فلا نيـب محتـار
ما ظن طول البعد ياناس ينسيهـا
بخلق لها جملة تصاريف واعـذار
وبآخذ لها من وقتي ايام وعطيها
سر ياقلم وكتب على الغيمه اشعار
هون على نفسٍ تداعـت بلاويهـا
تعال نذكر ذيك الايام وش صـار
يازينها ذكري ويازيـن راعيهـا
بالله ياقطـر المطروصـل اخبـار
قلبي لدارٍ ناوي اليـوم تسقيهـا
