أنين الروح ...

السلاام عليكم ..

شخبااركم ؟؟

اليوم جايبة لكم قصة حلوة .. مكونة من أجزاء ..

أتمنى أن تستمتعوو في قرأتها ..

بسمـ الله الرحمن الرحيمـ

علاء : صبي حلو ووسيم .. يحب بنت جيرانه اللي ساكنة معاه بنفس الجادة
اماني : حبيبة علااء اللي بتضفي على حياااااته ايام ولا احلى
يوسف : ولد عم اماني اللي دايما ما تحلم انها تكون ملكه
ام علاء : شخصية مضجرة عانت منها اماني في بداية محنتها ..

~ الجـــــــــــــزء الأول ( 1 ) ~

شافته .. شافته وهو يكلمها شتسوي انا احبه يا ناس شسوي .. شفته يخوني معاها .. آآخ يا قلبي .. شسوي بك .. ليش حبيت هالشخص التافه ليش ؟؟!!

الا بصوت يهز المكان سكرت أماني الباب بقوووة خلت صوت الباب القوي يرجف جسمها النحيل

اخذت اماني تمشي الى غرفتها واهي مب مصدقة الي شافته تمشي وبكل خطوة تذكر ايام الحب الي كانت تعيشها مع هذا الشخص كانت تحبه وهو يحبها بس ما تبادلو الشعور كانت لحظات تشوفه وترمقه بعينها واهو يرمقها بعينه تذكرت ايام المراسيل وايام السهر والبجي عليه لين اهو مسافر وتدعي اليه ليل نهار انه يرجعلها ولاهله بالسلامة كل هذا يا علاء تسويه فيني ليش عاد .. كافي سنتين من العذاب الي عيشتني فيها.. وما شافت نفسها الى واهي على باب غرفتها فتحت الباب ورمت نفسها على السرير قبل ما تسكر الباب طبعا ورفضت من اي احد يدش عليها لانها كانت في حالة هستيرية .. اخذت تبجي على حالتها وعلى المشهد الي شافته .
اماني : ليش جذي سوا فيني .. هل هو متعمد هالحركة .. هل اهو يحبها .. يبيها .. ما يبيني
وظلت اماني متحيرة ليش هذا المخلوق يسوي لها جذي؟؟
من هالشخص ياترى اللي تحبه اماني ؟؟ وشسوا هذا الشخص عشان يخليها في هالعذاب

وفي هذي الاثناء ..

علاء كان يالس مع شيرين واهي بنت يحبها من زمان وحب انه ينهي علاقته فيها عشان يفرغ حياته الى حبيبته اماني الي استحلت كل قلبه

علاء شخص تربى في عايلة كبيرة ومشهورة .. كان اهو البجر .. من بعد سبع خوات .. علاء اهو مثال ينضرب في اي شاب في العالم .. امه الحقود ضوقته انواع الكلمات الجارحة الي تصدر منها فكان ما عنده الا خواته يشتكي لهم همه واهم يشتكون له همهم .. وعلاء ما كان يقعد في الديرة .. يا مسافر .. او في القهاوي .. او مع ربعه .. والالخ

المهم .. انهز قلب علاء من يوم سمع صفعه الباب القوية حيل وتلفت الا والصوت صادر من بيت اماني ..(( بيت معشوقتي .. بيت حبيبتي !!! لايكون شافتني ويا هذي .. انا الى الله شهالبلشة .. شلون اطلع منها .. انا ليش اكلم هذي التعبانة .. اففففف والله حالة ))

ومرة وحدة ترك شيرين

شيرين : علاء ! وين رايح ؟؟
علاء : شتبين فيني بروحج يبتي لي العلة .. الحين هذي شفكني منها .. زعلها والله جايد
شيرين : خلها تولي بلي ما يحفظها .. تعال اقعد معاي .. انت تدري اني ازور بيت عمي في فريجك في الاسبوع مرة يعني كل ذي الايام ما اشوفك فيها .. والله واحشني حبيبي تعال ايلس معاي !!
علاء : اقولج البنت الحين بتسوي شي في عمرها وانتي تقولين واحشني ومادري شنو .. تدرين .. ماعاد اشوفج هني في فريجي .. لا والله اقلب الدنيا على راسج

(( علاء شخص يبلغ من العمر 23 .. شخص وسيم جدا .. وكل ما يطوف على بنت او صبي كانو يناظرونه من فوقه لتحته على اناقته ووسامته الروعه والسبب لهذا لانه امه كانت من دولة غير من بلاد فارس وابوه كويتي .. وعايلته مشهورة بالجمال ))

وفي هذي اللحظة علاء ما قدر يقعد اكثر من جذي ترك شيرين المتحيرة بلي قاعد يصير واهي تشوفه بعينها وقعد يركض الي بيته وبسرعه الى اخته نورة ..
علاء : نورووو .. نووووور .. نواروو .. نووووووووووورة
نورة : هلا خوي انه بالمطبخ
علاء : تعالي بسرعه ابيج
نورة واهي تنشف يدينها مع طلعتها من المطبخ : علامك انت قاعد وتصرخ حتى الملائكة الي يحمون عليك يعلني افداك خافو منك وشردو خخخخخخخ
علاء : مب فاضي لمسخرتج انتي بعد
نورة بنظرة جد : شفيك علاء؟؟
علاء واهو شوي ويصيح : اماني شافتني مع هالتعبانة
نورة واهي فاتحة عيونها : انت مب قايل لي انك خلاص قطعت علاقتك مع شيرينو .. شلي رجعك اليها !!!؟؟؟
علاء : اليوم كنت بكلمها عن الموضوع وبنهي علاقتي معاها دام اني فتحت قلبي الى وحدة غيرها بس اماني ما عطتني فرصة شافتني وقعدت تركض الى بيتها وما انتبهت الى و الباب مسكر بقوة ..؟؟
نورة وعلامة الاستغراب تبين على ويهها : والمطلوب .. شتبيني اسوي لك يعني ؟؟؟
علاء وهو يترجى في اخته : حبيبتي انتي .. يا بعد جبدي .. روحي لها وقولي لها شفيج .. علامج زعلانة ؟؟
نورة واهي تناظر اخوها بنظرة عطف : هع هع من قايلك اني بروح الها .. اذا تبيني اهي تيي لي مب انه اروح لها .. انه الشيخة ما اتحرك من مملكتي
علاء تبدلت نظراته الى نظرات عصبية فحست نورة ان ابوها يمها مب اخوها : انتي شفيج .. قلت لج روحي شوفي البنت لا يصير فيها شي .. شرحي لها الموقف قولي لها اي شي .. انه ما كان قصدي اكلم شيرين او اتغزل فيها كنت بس ابي اقطع علاقتي معاها وبكون هذا آآخر يوم .. تروحين لها بعد شوي وانتي ماخذة معاج صحن حلاو يزعم انج بتعطينها اياه يعني تدخلين بيتها بمناسبة وتسألين عن احوالها وتجرينها بالكلام الى لما تقولج كل شي فاهمة انتي ؟؟
نورة واهي شوي وتطيح من كلام اخوها الي يفطس ضحك : مب كأن هذي الاحداث مالت مسلسل البارح يوم بيتنا كله متيمع قاعد يشوفه .
علاء واهو يمشي عنها الى غرفته : عيل ليش يحطون المسلسلات مب عشان الواحد يستفيد منها في المواقف الحرجة .
نورة : ههههه .. سليمة تصك العدو .. الحين بروح لها وبشوفها دلوعة علاء
علاء واهو داش غرفته سكر الباب ورمى نفسه على السرير : شسويت لها انه .. اكيد الحين قالبة الدنيا بجي وحزن .. اعرفها هذي الدبة .. ياربي ان شاء الله ترجع نورو بأخبار تفرح القلب
نور واهي تزهب الحلاو على السريع لبست عباتها وتوها بتطلع الا امها توقفها

شفيها ام علاء ؟ ليش وقفت نورة ؟؟ وش بصير بين نورة وعلاء واماني الحين ؟؟

~ الجـــــــــــــزء الثاني ( 2 ) ~

(( ليلى انسانة مسيطرة .. ما تحب بناتها وولادها يطلعون من شورها .. يعني اي شي تقوله لازم يصير .. وطلباتها اوامر .. انسانة حقودة .. وتكره الناس .. وتحب لهم المشاكل .. ومن العوايل الي تكرهها اهي عايلة اماني .. ما تطيقهم لانهم متماسكين وعلى طول مع بعض واهي ما تحب ولا تحب الخير لهم ولا لغيرهم ))

ليلى الام : نورو وين رايحة انتي .. (( ليلى واهي تطالع الصحن الي بيد نورة )) وشنو هذا الصحن الي بيدج ؟؟
نورة واهي مرتبكة : يمة بطلع بروح بيت رفيجتي اماني .. هذا الصحن (( واهي تأشر عليه )) بوديه لها .. خبرج طبخة يديدة ابيها تجربها وتعطيني رايها فيها
ليلى : ههههه .. ومن الي عاطنج الافادة عشان تطلعين من البيت
نورة واهي تاشر على غرفة علاء : الي داخل اهو الي عطاني الافادة واذا عندج اي احتجاج روحي كلميه .. يالله بيباااي تأخرت وايد على البنت

((ليلى واهي مستغربة .. علاء ولدي يطلب من هذي السوسة تروح بيت عدوتي ؟؟ مستحيل .. انزين ليش يبيها تروح .. شناوي عليه يا علاء ))

ليلى : انزين انتي روحي .. ولي كلام معاج بعدين
نورة بلا اهتمام تطلع من البيت وقلبها محروق على تصرف امها الجشع
وفي هذي الاثناء كانت اماني واقفة يم باب البيت تبي تطلع بسيارتها عشان تغير جو وتوها بتفتح الباب والا بويه نورة بويهها

نورة : بووووو .. قلبج على قلبي .. يسلم لي هالفيس
اماني وهي مبتسمه بألم : وعليكم السلام
نورة : يـــه .. انزين نسينا نسلم لازم يعني تحرجينا
اماني : ههههه .. انزين خلنا نعيد المقطع
نورة : شقايلين لج نصور فلم ؟؟ عشان اعيد لج المقاطع .. خير الله انا وصلت بيتكم وفتحت الباب بعد تبيني اعيد المقطع من جد وجديد .. لا يبة
اماني : ههههههههههههه .. شفيج انتي انه ما قلت شي عشان تقولين لي فقرة شكبرها كأنها قد حلجج
نورة : وييي .. فديت حلجي الي الكل يسكت عشان ينطق .. هع هع .. المهم .. اشوفج متعدلة وبيدينج المفاتيح .. على وين يا ست الكل قعدي تذوقي هالحلاو الي مسويته خصوصا لج
اماني واهي تناظر الصحن : واي انتي .. تيين بوقت مب مناسب كلش .. شرايج ناخذ لنا فرة في الطريج واحنا ناكل هالعسل الي يايبته
نورة : آآخ عليج .. انه مادري ليش انتي جذي
اماني : شلون ؟؟
نورة : لاني انه اسوي رجيم من يوم طلعت من دبة امي ليومج هذا ولا نزلت ولا كيلو وانتي طايحة بلع في هالمجابيس وهالحلاو ولا تمتنين بكيلو واحد
اماني واهي شوي وتفطس ضحك بويه نورة : صلي على النبي يالحسود .. يامال الضعفا مادري آكل من حلالج ولا من حلال ابوي يخليه لي ذخر
نورة واهي بنظرة استغراب : اللهم صلي وسلم عليه .. والله نص الي مب تارس عينج من حلالي ولا ناسية هالصحن الي بتاكلينه بعد شوي
اماني واهي مستعيلة : تدرين امشي خلنا ندخل السيارةونسولف على راحتنا واحنا ناكل بلي في هالصحن
نورة : يالله يبة شورانا
وفي هذي اللحظة واهم يمشون كان علاء يطالعهم من دريشة غرفته وهو متنقع ضحك على خبال اخته وعلى خفة دم حبيبته

علاء واهو يقول بنفسه (( انا اعرف امانيوو ما تقول لاحد بلي فيها .. لايكون اهي ما شافتني .. وانا مكبر السالفة .. بس الباب ؟؟ اي صج الباب .. لا يمكن اخوها واهو داش بيتهم سكره بقوة او من الهوا .. اوهوووو شقاعد اقول انا خلني اصبر على نورو واشوف شبصير )) الا بدقة قوية على باب غرفة علاء تخليه يقطع حبل افكاره

علاء : من ؟؟
ليلى : انه امك فج الباب
علاء Sad

بل شتبي الوالدة بعد)) ان شاء الله يمة صبري شوي بس بلبس هدومي
وبعد دقايق فتح علاء الباب الى امه
علاء : هلا ببعد قلبي .. آمري حياتي
ليلى واهي تقعد على الكرسي الي يم الكمبيوتر : صج انت قايل لنورو السوسة تروح بيت شريف ييرانا
علاء واهو مستغرب بس ما يبي يبن لامه فقال لها بطريقة كوميدية : يس مامي .. از ذير از اني بروبلم وذ ذس ثينق؟؟
ليلى وبعصبية : تكلم عدل .. مب فاهمة منك ولا خيرة حرف
علاء وهو يضحك : هههههههههه .. ويلي عليج يالعيوز .. نسيت انج طالعه من الصف الروضة
ليلي :لا تسوي نفسك خفيف وجاوبني صج ولا لأ ؟؟
علاء واهو يرد عليها بطريقة ماكرة عشان امه ما تكشفه وما تعصب فيسايسها عشان ما تشب عليه حرب : اي يمة .. انا قلت لها تروح عشان تشووف محمد اخو رفيجتها هناك ولا لأ لاني مواعده انه يطلع معاي عشان نمر على ابوي في المطار بعد جم ساعه .. ليش عندج مانع يالقمر؟
ليلى : اها جذي يعني .. على ما اعتقد انك تعرف رقم اخوها فما يحتاج تطرش اختك الى بيتهم ما ابيها تخترب من اخلاقهم الزفتة ..
علاء بعصبية هادئة : يمة من فضلج لا تغلطين واحنا مب شايفين منهم ولا شي وناس معروفين بالطيب والواجب .. والكل يتمنى يقعد معاهم ولو ثواني .. واحسن مكان تروحه نورو بيت جيرانه
ليلى واهي تقوم من مكانها وبعصبية زايدة : لا والله تعال طقني بعد .. لا لا اخذ هذا النعال (( عزكم الله )) وطقه فيني ولا تدري افتح الدريشة وافلتني برع الطريج .. والله وطلع لك لسان يا ولد عبدوووو .. آآخر عمرك تطول لسانك على امك وتعارضها على كلامها
علاء وهو يحاول يراضي امه العصبية : يا يمة يا قلبي .. انه ما قلت الا الحق ليش تزعلين .. وثانيا انتي ليش حارة نفسج .. وتسوين في عمرج جذي .. خلهم يولون عنج
ليلى : لا والله .. تحاول تراضيني بعد .. قوم عني يا ثقيل الدم .. ولا تحط لسانك بلساني من يوم ليوم الدين .. انه الي يطلع من شوري .. وما يوافق على الي اقوله والي اهو الصح طبعا .. لا اعرفه ولا يعرفني .. حتى لو كان من دمي ومن لحمي .. فاهم
علاء بعصبية : انا الي علي سويته راضيتج وانتي راكبة راسج .. وانه ما قلت شي غلط عشان تقولين لي جذي .. انا صج ولدج واعز ما عندج بعد الخوات السبع الي وراي وما تسمعين الا مني .. بس مب معناتها اني لازم اوافقج على كل شي .. حتى لو كان غلط
ليلى واهي تسكر باب غرفه ولدها الي قاعد يقط عليها كلام من سم (( وهذا جزاة تربيتها له .. الله يعين اماني ))
ليلى واهي تمشي بكرياء وتقول في قلبها : يعله الفقر .. جذي يسوي فيني .. لكن هين يا ولد عبدوو ان ما وريتك سواد ليلك ما اكون ليلى بنت وضحى (( حشى هذي ام ))
الا برجاء بنتها الكبيرة الي تيي بعد علاء حاملة بنتها زهرة بيدها : هلا يمة
ليلى : شتبين انتي بعد
رجاء وهي فهمت من نظرات امها العصبية ان علاء اكيد مسوي فيها شي عشان تحترق جذي : لا لا سلامتج يالغالية ما ابي الا رضاج .. بس ابي اسألج وين نورة
ليلى : هالمقرودة اذا حصلتها بشبعها ضرب وتكفخ
رجاء واهي مستغربة وبنظرات حقد : زين تسوين فيها يمة ضربيها خلها تتأدب .. بس ليش عاد شمسوية هالمرة .. لايكون راحت بيت عمي
ليلى : يلعن طاريهم .. لا مب رايحة جهنم مدري بيت عمج .. رايحة بيت التعبانة ثريوه
رجاء وهي معصبة : وليش تروح هالعاصية بيت ثريا يعلها المرض
ليلى واهي فرحانه لان بنتها تحمل نفس الكراهية لبيت ثريا ام اماني : شدراني فيها يعل الله ياخذهم .. قالت لي اخوج قالها تروح تشوف اخو امانيو اذا اهو هناك ولا لا عشان ييبون ابوج من المطار
رجاء واهي بتطير من الفرحة نزلت بنتها على الارض : واااااااااي .. صج ابوووي بيرجع من السفر
ليلى : علامج شوي وتكسرين السقف من مناطجج .. اي بيي من السفر .. وخير يا طير.
رجاء واهي تتغير ملامح ويهها لانها تذكرت ان سبب سفر ابوها اهي امها الي ما تخلي الواحد في حاله : اي يمة بس انه فرحانة عشان اشوف خالي الا اهو اخوج يالغالية
ليلى تغيرت ملامحها من العصبية الى الفرح (( واخيرا يا خوي بشووفك .. من بعد هالغربة .. الي فرقتنا سنين )) : اي والله .. ان شاء الله يرجعون بالسلامة واشوف اخوي .. عندي وايد سوالف معاه
رجاء واهي تناظر امها بنظرة حب : وابوي يا يمة .. ما عندج له شي ؟؟
ليلى وعيونها تاكلها من زود العصبية : الله ياخذه وياخذج معاه .. شسوي فيه كافي 23 سنة مجابلة ويهه الي يقطع الرزق .. وانتي صج شموقفج هني وقاعده تسولفين لي اخذي خمامج وبنتج ويالله على بيت ريلج .. جيف فاتحين هني فندق عشان انتي وبنتج ماخذة حريتج فيه
رجاء وقلبها يتقطع على قسوة امه

(( افا يا يمة .. ليش تعلميني هالحقد وهالكراهية ومن صغري وياليت بس انه الا كل خواتي واخواني .. الله يعينكم والله .. خلني اروح بيتي اشرف لي .. لان هذي العيوز ما ترحم ولا تخلي رحمة الله تنزل ))

اخذت رجاء اغراضها واتصلت على تلفون ريلها صلاح عشان يي ياخذها
وهي قاعده في الصالة مرت شهزلان عليها واهي تراجع جم كلمة لاختبارها بكرة
رجاء : ما عندج غرفة تدرسين فيها عشان قاعده وتحومين في الصالة كأنج بومة ويا هالعيون .

إذا عجبتكم خبروني ..

عشان أكملها ..

تحياتي .. إختكم
أحزان مدفونة

شااااااكرين لج جهودج المبذوولة

العفوا يااخت ملاك الدنيا