عطنـي وفـاك وهننـي وخــذ خفـوقـي واملـكـه
وابشـر بحبـن صافـيـن ماصـادفـه قلـبـك ابــد
جنـن خفوقـي فـي هـواك وفبحـر حبـك اهلكـه
اشعل غلاك بداخلي واسقيني مـن نبعـك شهـد
اجـيـك كـلـي يالـغـلا وهالـكـون كـلــه اتـركــه
ويعانق احساسـي هـواك وبوسـط قلبـي ينولـد
قلبـي دفـاك ومهجعـك ولـو كـان حبـي تـدركـه
تلقى معي سحر الهوى وتعيـش فينـي مستبـد
هــدوء يـمـلأ خافـقـي وقـربـك لقلـبـي حـركـه
بديت احس بديت اعيش والقلب يرجف مرتعد
كانت احاسيسي جليد وحروف شعـري منهكـه
لقيـت فـي قربـك دفــاي اقــرب بـعـد لاتبتـعـد
لامــن طـرالـي طيفـكـم يـهـز قلـبـي وايربـكـه
ثم ابتسـم بليـا شعـور احـس فـي جوفـي رعـد
ابي اعيش بدنيتك ودرب الهـوى لـك باسلكـه
ابيـك حلـم لشاعـره عاشـت دهرهـا فـي كـمـد
ابــي هــواك يلفـنـي مــن دون لــوم وشكـكـه
ابـي خفـوقـك لــي انــا دامــك لحـبـي مستـعـد
لكن حذاري لـي تخـون ودمـي بغـدرك تسفكـه
والا ابـتـرك واروح تـنـادي ولا حـولـك احـــد
